兹两工因为地域其事计吵其事计雅济，就屈兹发蜀篇贴闲讲两句。
我己家是屏南侬，现时也尽认己家是福州侬。
有几其现象讲各侬听啦，伓讲下南或者别其场坪，就讲福州府内其事计。
丘塍侬我是解八其，地理上底离福州雅近，经济联系也济，所以虽然分开兹济年，丘塍故是认福州，当然也有蜀部份侬见觉己家是宁德其。
屏南其情况就差雅济，后生囝基本上㍐八己家是福州其，见觉己家是宁德侬其尽济，兹情况差不多是著丘塍相反其。
我上蜀摆著厝底其时候，有闽县侬来福州旅游，四五十岁其相貌，我著伊讲汝去店里买特产其时候讲平话侬乇就解便宜伲囝卖汝，伊讲：“甚乇，屏南也讲平话？”，四五十岁其闽县侬都㍐八福州十邑了。
尽济闽县侬其态度就是无所谓，兹也可以理解。屏南侬讲遘闽县侬稠稠就是讲：福州囝。屏南去福州其，着福州生活其侬其实雅济，侬会讲兹款其话，说明兹块侬接触其闽县侬都着屏南侬㍐尽亲，或者福州侬地头蛇欺负侬，兹都是有其。
但是兹款其事计一定可以改变。
好比讲闽县侬讲：“福清哥，戴斗笠。”，丘塍侬讲：“屏南侬食马包——未得许疾。”，各地稠稠都有讲各地其㍐好，可以理解，但是兹款其情况应当慢慢其改变。
着改变兹款其情况，有蜀点有重要，就是宣传着教育。会认己家是底位侬，关键着教育，后生囝着教育，关键着宣传。
贴吧底其各侬工工为了伲囝大其事计吵，实在是㍐应该。时代变化，兹蜀种其事计就也着变化。各侬若都会为了更团结、更了解其福州努力，就算丘塍屏南故是归宁德管，有有乇了不起了？
或者有蜀工省管县，或者有蜀工丘塍古田又归福州管了，底侬算其着了？
宁德县以前是驮丘塍屏南其钱发展己家，但是今年暝国家有政策，也对丘塍、屏南不错。政治上底其事计，我各侬是伓是应该乞影响遘？
安身立命，做己家其事故俪是第一等重要其。
诸君勉乎哉！