我兹侬散漫惯去，自家也有工作著做，包括正式其工作共屏南话整理方面其工作，其实上因为懒（diâng），屏南话整理工作已经耽搁去雅济咯。
今下昼福清哥共我讲希望我来申请大吧，我故是讲㍐。
但是福清哥讲伊有可能乞封号，所以希望有办法维持现时福州话吧其局面，所以我就同意用我其号来申请大吧，希望等正上大学其后生囝来接任我再退。所以兹其大吧全是为了防蜀步申请其。
著申请大吧其侬，不但著做事公正公平，做遘儒家讲其：不偏不易，也著著福州语方面有所了解，可以帮助大家侬解决问题。兹两点我勉强可以做遘。
但是故有蜀点就是著尽心尽责，为了福州话其推广，恢复大家其母语意识做努力，兹蜀点虽然有著做，但是无遘尽心。福清哥著兹蜀点上做呀尽好。兹蜀点尽重要，但是我惊愧无办法共福清哥兹款尽心尽力，所以兹虽然申请大吧主，但是俪是为了防万一。
特此。