汝水平若是无遘，我怎底款有胆来做兹吧主。。。

做甚乇兹款讲咯？
各侬都是慢慢学其，主要是著去学。
蜀方面可以去中国知网下载闽语其论文看，另外蜀方面可以学习平话字，做遘可以使平话字，最少著解认得著。
稠稠看字典也是蜀其办法，可以学够尽济词。闽县话其论文、材料都雅济，可以买来看。
再蜀下就是可以稠稠使平话去平话堂攀讲，水平就慢慢提高了。虽然我个人水平也有限，不过我都无想过著平话放下来，一直都著学。虽然有时候贪懒，不过毕竟解有进步。
我来申请吧主，俪是想有蜀其后备其左右，最终是希望后生囝快伲囝来接班。平话字其教材兆熙已经著编写，福州语也教材也著编写咯，遘许时候学平话字应该解快伲囝。

我讲去我能力有限，也（勿会）为兹贴吧做太济其工作。俪是有闲其时候可以来旋旋，著我能力范围内为大家侬解决几个问题，仅止於此尔。
主要其目的故是（勿会）希望贴吧断代去。如果福清哥有蜀工伓做咯，或者因为其他原因（勿会）来管贴吧咯，兹贴吧就废去了。
本来我无想插汝，不过我真无见汝为贴吧做乇事，驮汝表哥其号尸位素餐。前蜀回故驮兹其号公报私仇，现时故有面来问我可以为了贴吧做甚乇。
汝若会争气，我都伓来做贴吧，汝实在是（勿会）干得事，工工各位处半天凿空，汝有为兹贴吧做过甚乇？若无福清哥做事，兹贴吧有乇？
自家去想汝自家都做去乇乇事，再来问我。
全工怀是别侬爱对付汝，汝自家对别人怎底款，自家去想。汝讲自家是傀儡囝，未大，无问题，但是汝若藉口自家傀儡囝做呆事，问题就大了。著网络上底侬侬都是平等其，汝带来偌夥破坏汝可以伓去想，但是兹破坏其后果最终著汝己家承担。