藝人萬綺雯連日來於越南拍攝劇集，由於當地天氣炎熱，動作場口堪稱眾人之冠的她最終頭暈中暑，反而化兩個鐘頭「野人」妝於森林拍攝的郭晉安側笑言在越南享受荷里活式製作，辛苦都值得。
郭晉安（安仔）、萬綺雯（蚊蚊）及黃德斌等現正身在越南為無綫劇集《致命復活》拍攝，越南現時是旱季，氣溫高達三十多度，率先拍了不少動作戲的「大隻男」王浩信及德斌都坦言辛苦，不過原來「重災區」是蚊蚊！由於劇情講述蚊蚊於越南尋夫（安仔），經常於街道喪跑，雖然蚊蚊體力透支，但胃口相當好，一日掃清兩個飯盒，不過最終都一度輕微中暑、頭暈，幸得現場多位猛男拍檔照顧。
蝦碌爆衫
蚊蚊接受訪問時坦言：「呢度真係好熱，拍嘅戲份較多，監製話我係所有人之冠，有一日唔係好夠瞓，曬咗一陣就暈暈哋，要坐咗一陣先再拍。」不過蚊蚊指越南有很多美景，有些地方更是專登搭船、轉機去拍攝，辛苦之餘都不枉此行。劇中德斌是蚊蚊於孤兒院一齊長大的哥哥，每次遇到困難都會出現幫她，當中有場德斌孭住受腳傷的蚊蚊上樓梯的戲份，拍攝時穿着傳統越南服飾的蚊蚊笑謂：「因為件衫太貼身，唔係好郁得，喺樓梯德斌孭我，跳咗多次後隻袖爆晒線，之後仲甩咗，要即刻縫番，好搞笑。」
荷里活製作
此劇講述安仔被綁架，事前他為角色專登減掉20磅，安仔日前首次以「深山大野人look」於越南國家公園的黑水湖內拍攝，一臉長鬚、衣衫襤褸、頭髮蓬鬆的他被鎖鏈重重綁住，目露兇光，相當駭人。安仔受訪時指此妝化了兩個多小時：「雖然大家都拍得好辛苦，不過唔緊要，我個人好堅毅，冇嘢難到我，拍呢場戲要企喺水入面，啲水望落去好似黑色，但其實好清澈，由山流下來，我飲過啲水，好清甜。」
安仔又爆料指其中一日專登到下龍灣拍攝船上戲，當地船家更安排船上buffet給他們享受，笑言今次是荷里活製作：「荷里活拍戲有架貨櫃車跟場，上面有晒buffet、房間畀演員休息，我一直好希望有個地方可以一路開工，一路食buffet，依加仲唔係荷里活製作？平時我哋食個飯盒就開工。」
郭晉安（安仔）、萬綺雯（蚊蚊）及黃德斌等現正身在越南為無綫劇集《致命復活》拍攝，越南現時是旱季，氣溫高達三十多度，率先拍了不少動作戲的「大隻男」王浩信及德斌都坦言辛苦，不過原來「重災區」是蚊蚊！由於劇情講述蚊蚊於越南尋夫（安仔），經常於街道喪跑，雖然蚊蚊體力透支，但胃口相當好，一日掃清兩個飯盒，不過最終都一度輕微中暑、頭暈，幸得現場多位猛男拍檔照顧。
蝦碌爆衫
蚊蚊接受訪問時坦言：「呢度真係好熱，拍嘅戲份較多，監製話我係所有人之冠，有一日唔係好夠瞓，曬咗一陣就暈暈哋，要坐咗一陣先再拍。」不過蚊蚊指越南有很多美景，有些地方更是專登搭船、轉機去拍攝，辛苦之餘都不枉此行。劇中德斌是蚊蚊於孤兒院一齊長大的哥哥，每次遇到困難都會出現幫她，當中有場德斌孭住受腳傷的蚊蚊上樓梯的戲份，拍攝時穿着傳統越南服飾的蚊蚊笑謂：「因為件衫太貼身，唔係好郁得，喺樓梯德斌孭我，跳咗多次後隻袖爆晒線，之後仲甩咗，要即刻縫番，好搞笑。」
荷里活製作
此劇講述安仔被綁架，事前他為角色專登減掉20磅，安仔日前首次以「深山大野人look」於越南國家公園的黑水湖內拍攝，一臉長鬚、衣衫襤褸、頭髮蓬鬆的他被鎖鏈重重綁住，目露兇光，相當駭人。安仔受訪時指此妝化了兩個多小時：「雖然大家都拍得好辛苦，不過唔緊要，我個人好堅毅，冇嘢難到我，拍呢場戲要企喺水入面，啲水望落去好似黑色，但其實好清澈，由山流下來，我飲過啲水，好清甜。」
安仔又爆料指其中一日專登到下龍灣拍攝船上戲，當地船家更安排船上buffet給他們享受，笑言今次是荷里活製作：「荷里活拍戲有架貨櫃車跟場，上面有晒buffet、房間畀演員休息，我一直好希望有個地方可以一路開工，一路食buffet，依加仲唔係荷里活製作？平時我哋食個飯盒就開工。」
Good night 
